Окуу программасы жөнүндө
Экономист студенттер товарларды жана кызмат көрсөтүүлөрдү өндүрүү, бөлүштүрүү жана керектөө менен байланышкан дисциплиналарды изилдешет. Экономикалык процесстерди анализдөө, экономикалык саясатты иштеп чыгуу жана ишке ашыруу, ошондой эле экономикалык ресурстарды башкаруу жөндөмдөрүн алышат. Бүтүрүүчүлөр мамлекеттик органдар, бизнес түзүмдөрү, каржы мекемелери жана башка ар кандай чөйрөлөрдө иштешет.
Бүтүрүүчүлөр ким болуп иштешет?
• Экономист (экономикалык процесстерди талдоо, экономикалык саясатты иштеп чыгуу жана ишке ашыруу, экономикалык тенденцияларды божомолдоо менен алектенет). • Бухгалтер (бухгалтердик эсеп жүргүзөт, каржылык операцияларды көзөмөлдөйт, каржылык отчеттуулукту даярдайт). • Аудитор (компаниялардын жана уюмдардын каржылык отчетторун аудит жүргүзөт, алардын каржылык абалын баалайт жана мүмкүн болгон тобокелчиликтерди аныктайт). • Финансылык аналитик (каржылык рынокторду, инвестициялык долбоорлорду жана компанияларды анализдеп, инвестициялар жана каржылык башкаруу боюнча сунуштарды берет). • Маалымат аналитиги (каржылык, маркетинг, өндүрүш сыяктуу ар кандай тармактарда талдоо жана чечим кабыл алуу үчүн экономикалык маалыматтарды колдонот).
